Joke

[Dar'Qang <dar_qang@earthlink.net>]

I've made a go at translating a joke into tlhIngan Hol:

chenmoHlu'meH DaqDaq vum tlhIngan, verengan, tera'ngan je.  Hoch jaj 
nItebHa' megh luSop.
wa' jaj Daq jenqu'Daq megh luSop. megh lutagh.

megh ngaSwI'Daj poSmoH tlhIngan. jatlh <<toH! latlhlogh qombogh vIghaj 
vay'! wa'logh latlh qombogh vIghajchugh naDevvo' jISup!>>

megh ngaSwI'Daj poSmoH verengan. jatlh <<toH! latlhlogh ghargh chej vIghaj 
vay'! wa'logh latlh gargh chej vIghajchugh naDevvo' jISup!>>

megh ngaSwI'Daj poSmoH tera'ngan. jatlh <<toH! latlhlogh *bo'lonI' Sa'wIch* 
vIghaj vay'! wa'logh latlh *bo'lonI' Sa'wIch* vIghajchugh naDevvo' jISup!>>

jaj veb rapbogh Daq jenqu'Daq megh luSop.  megh chu' lutagh.

megh ngaSwI'Daj poSmoH tlhIngan. jatlh <<QI'yaH! qombogh vIghaj vay'!>>.
Daq jenqu'vo' Sup. Hegh tlhIngan.

megh ngaSwI'Daj poSmoH verengan. jatlh <<QI'yaH! ghargh chej vIghaj vay'!>>.
Daq jenqu'vo' Sup. Hegh verengan.

megh ngaSwI'Daj poSmoH tera'ngan. jatlh <<QI'yaH! *bo'lonI' Sa'wIch* vIghaj 
vay'!>>.
Daq jenqu'vo' Sup. Hegh tera'ngan.

wej vumwI' nolDaq ba'pu'DI' Sumqu'chuq tlhIngan be'nal, verengan be'nal, 
tera'ngan be'nal je.

'IQqu' tlhIngan be'nal. jatlh <<qombogh par lodnalwI' 'e' 
vISovbe'.  vISovchugh neH vaj
not Hoch jaj ghaHvaD qombogh vIjab!>>

'IQqu' verengan be'nal. jatlh <<ghargh chej par lodnalwI' 'e' 
vISovbe'.  vISovchugh neH vaj
not Hoch jaj ghaHvaD ghargh chej vIjab!>>

jatlhbe' tera'ngan be'nal. loS tlhIngan be'nal, verengan be'nal 
je.  jatlhbe'taH tera'ngan be'nal.
tagha' tera'ngan be'nal luleghchoH tlhIngan be'nal, verangan be'nal je 'ej 
luqIm.

jatlh tera'ngan be'nal <<jIH HIqImQo'! reH meghDaj chenmoH lodnalwI''e'.>>





Dar'Qang
bItaghbe'chugh bIrInbe'ba'